शेतकऱ्यांसाठी ७वा वेतन आयोग एक वर्ष पुढे ढकला !

माननीय मुख्यमंत्री देवेंद्र फडणवीस,

स.न.
आपण मध्यंतरी जपानच्या दौऱ्यावर असतांना विदर्भातील वाशीम जिल्ह्यातील जऊळका (रेल्वे) या गावातील दत्ता उपाख्य गुड्डू आत्माराम लांडगे या शेतकऱ्यानं आत्महत्या केली. आत्महत्या करण्यापूर्वी दत्तरावनं आपल्याला एक पत्र लिहून ठेवलं आहे. ते पत्र आपल्यापर्यंत पोहोचलं नसणार. अशा संवेदनशील बाबी सरकारपासून लपवण्याची सराईत कोडगी परंपरा नोकरशाहीत असतेच, असा आजवरच्या पावणेचार दशकातील पत्रकारितेतला माझा आणि विरोधी पक्षात असतानाचा आपलाही अनुभव आहे. जनतेशी असणारी नाळ तुटलेल्या ‘परदेशी’ नोकरशहांवर आता मुख्यमंत्री झाल्यावर आपला फारच विश्वास असल्याचा मिडिया तसेच आपल्या पक्षातील कार्यकर्त्यांचा अनुभव आहे. आपण जपान दौऱ्यावर असताना लातूर जिल्ह्यात एका शेतकऱ्यानं आत्महत्या केली; तर नोकरशाहीनं त्याच्या रेशन कार्डवर जुन्या तारखेला धान्य दिल्याची नवी नोंद करून राज्याचे महसूल मंत्री एकनाथ खडसे यांच्यासारख्या जाणत्याची अशी दिशाभूल करून टाकली! त्या शेतकऱ्यानं आत्महत्या केली हे चांगलंच झालं यावर आमच्या नाथांभाऊंचा विश्वासच बसला… अशा अनेक (विरोधी पक्षात असताना आपण जाहीर पत्रांना तत्परतेने उत्तर देत असत हा अनुभव गाठीशी आहे शिवाय मीही पूर्वी नागपूरला होतो, आपल्या मतदार संघात राहत होतो, आपल्या वडिलांशी माझी ओळख होती अशा किरकोळ!) बाबी लक्षात घेऊन लक्षात घेऊन आत्महत्या केलेल्या त्या वाशीम जिल्ह्यातल्या त्या शेतकऱ्याचं म्हणणं (म्हणजे ती ३ पत्रं) आपल्यापर्यंत पोहोचली नसणार; म्हणजे नोकरशाहीनं ती पोहोचू दिली नसणार याची पूर्ण खात्री आहे. बिलंदर असणं हा नोकरशाहीचा गाभा असतो, नाही का? म्हणून ही तिन्ही पत्रं आपणास पाठवत आहे.

// पत्र क्रमांक १ //

(दत्ता आत्माराम लांडगे याने आत्महत्या करण्यापूर्वी आपणाला लिहिलेलं -)
प्रति,
देवेंद्र फडणवीस,
मा. मुख्यमंत्री, महाराष्ट्र राज्य
तुम्ही एक उच्चशिक्षित आणि विदर्भाचे नेते असल्याने आम्ही तुमच्या पाठीशी सदैव उभे होतो.
आणि विदर्भातील असल्यामुळे तुम्हाला विदर्भातील शेतकऱ्यांच्या समस्यांची चांगली जाण असायला हवी.
पण मला वाटतं, तुम्ही तिकडं जाणून-बुजून दुर्लक्ष करता आहात.
तुम्ही असेच करत राहिलात तर तरुण शेतकरी माझ्यासारखाच भ्याड मार्ग अवलंबतील.
त्यामुळं तुम्ही शेतकऱ्यांसाठी जातीनं लक्ष द्यायला हवं.
साहेब, मी हे मृत्यूपत्र शेतात पाणी देत असताना लिहित आहे.
तुम्हाला लक्षात यायला हवं.
विदर्भातील शेतकरी दुष्काळाला घाबरत नाही, पण काळ त्याला जगू देत नाही.
तुम्ही शासकीय सेवेतील कर्मचाऱ्यांना भरघोस पगार, भत्ते, वेतन आयोग देता. उद्योगपतींना उद्योग उभारण्यासाठी मदत स्वत:हून करता.
मग तेच नियम शेतकऱ्यांसाठी का नाहीत ?
तुम्ही शासनकर्त्यांनी शेतकऱ्याला आवश्यक गरजा वेळेत न दिल्यानं शेतकरी वैतागलाय.
जसे माझ्या शेतात मी दोन वर्षांपूर्वी पाईपलाईन टाकली, पण आजवर मी शेत भिजवू शकलो नाही.
पाणी आहे पण वीज नाही.
मेहनत करायची ताकद आहे पण शेतीसाठी पुरेसे भांडवल नाही, मग याचा विचार करायचा कुणी ?

// पत्र क्रमांक – २//

(दत्ता आत्माराम लांडगे याने आत्महत्या करण्यापूर्वी पत्नीस लिहिलेलं-)
प्रिय प्रियेस,
मी तुला सातजन्माची पत्नी जरी मानलं असलं तरी तुझा आणि माझा हा फक्त सात वर्षांचा संसार मांडू शकलो.
हा संसार मी जरी मोडून जात असलो तरी तू आपल्या जीवाच्या आरशाला (सर्वज्ञ) अखेरपर्यंत संस्कारात वाढव, हीच विनंती.
माझी साथ तुला आशीर्वादाप्रमाणे तुझ्यासोबत राहिल.
त्यामुळे मी जरी खचून तुम्हाला सोडून जात असलो तरी आपल्या मुलांच्या पाठीशी रहा.
मला माहित आहे माझ्या जाण्यानं तुझं जगणं सोपं नाही.
पण आपल्या मुलासाठी तुला हे मोठं दु:ख पचवून त्यांना साथ द्यायला हवी.
सोबतच आई-बाबांची काळजी घ्यायला हवी.
झोपेत हसणाऱ्या सर्वज्ञला चुंबून माझ्या सोनियेला सोडून मी निघालो…

// पत्र क्रमांक – ३ //

(दत्ता लांडगे याने आत्महत्या करण्यापूर्वी मुलगा सर्वज्ञ यास लिहिलेलं-)
प्रिय सर्वज्ञ,
मी जरी तुला सोडून आत असलो तरी तुला मात्र कळत नाही.
पण, मोठा झाल्यावर माफ कर.
माझ्या रुपात माझे मित्र गणेश देशमाने, सागरकाका, गणेश बोझा, उमेश बोराळे, आशिष काळे हे सतत तुला मदत करतील.
त्यामुळे तू मला माफ करशील व शिकून आपल्या पपांचे स्वप्न पूर्ण करशील. -तुझे पपा

मा. मुख्यमंत्री प्रिय देवेंद्र फडणवीस, मी आपणला ओळखतो ते एक संवेदनशील माणूस म्हणून. पण, आता त्यापुढे जाऊन आपण आता माणुसकीच्या पातळीवर उतरायला हवं असं वाटतं. आपण म्हणता, आपणही शेतकरी आहात तर ही पत्रं वाचल्यावर आपल्यातील माणुसकी खडबडून जागी होऊ द्या आणि दत्ता म्हणतो तशी शेती जगण्याइतक्या मदतीची हमी द्या; कुत्र्याच्या मौतीनं जगणाऱ्या शेतकऱ्याला झुकतं माप द्या अशी कळकळीची विनंती आपणास करतो आहे. आत्महत्या केलेल्या शेतकऱ्यांना श्रद्धांजली अर्पण करण्यापेक्षा आत्महत्येच्या वाटेवर चालणाऱ्या जित्या-जगता शेतकऱ्याला मदत म्हणजे आत्महत्या टाळणं आहे हे लक्षात घ्या. विद्यमान आमदारांना किती मिळतं ते राहू द्या-माजी आमदारांनाही महिन्याला किमान ४० हजार रुपये निवृत्ती वेतन मिळतं, प्रशासनाच्या उतरंडीवर सर्वात शेवटी असणाऱ्या शासकीय आणि निमशासकीय कर्मचाऱ्याला महिन्याला किमान १६ हजार रुपये वेतन निश्चित मिळतं पण, या देशाची भूक भागवणाऱ्या शेतकऱ्याला मात्र वर्षाला एकरी दहा हजार रुपये एकूण उत्पन्न मिळण्याची शाश्वती नाही. तरी पोटात भूक, चेहेऱ्यावर सोसल्याचे रापलेपण, हातावर श्रमाचे घट्टे, अंगावर फाटके वस्त्र घालून असलेला हा बळीराजा डोळ्यात जगण्याची स्वप्नं जोजावतो ती निष्ठेनं भूमातेची मशागत करून या देशाची भूक भागवण्याची. या अन्नदात्याला उपाशी ठेऊन आमदारांनी भत्ते वाढवून घेतले आहेत, शासकीय-निमशासकीय कर्मचाऱ्यांना सातव्या वेतन आयोगाचे वेध लागले आहेत! एकूण उत्पन्नाच्या सत्तर-बाहत्तर टक्के निधी सरकार तसंच प्रशासनाचं वेतन, महागाई भत्ता, सेवानिवृत्ती वेतन, बोनस यावर खर्च होतोय आणि इकडे भूमिपुत्र देशोधडीला लागलाय… सरकार आणि प्रशासनातले लोक ओरबाडण्यात गर्क आहेत… ‘वरकमाई’ जास्तीत जास्त कशी खरवडून घेण्याची त्यांची वृत्ती वाढतच चालली आहे… हा कोडगेपणा- आणखी स्पष्ट सांगायचं तर हा निर्लज्जपणा आहे, तो आपण कठोरपणे थांबवला पाहिजे.

‘ग्रंथाली’ने प्रकाशित केलेल्या माझ्या ‘डायरी’ या पुस्तकाचा समारंभ काही वर्षापूर्वी मुंबईत तत्कालिन केंद्रीय मंत्री सुशीलकुमार शिंदे, ज्येष्ठ संपादक कुमार केतकर आणि अरुण साधू यांच्या उपस्थितीत झाला. त्यावेळी मी म्हणालो होतो- “मी मुळचा मराठवाड्यातला. प्राथमिक शिक्षणाच्या काळात पहिली-दुसरीपर्यंत शिक्षक बहुसंख्येने मुस्लीम होते आणि ते अबकडई सोबतच उर्दू भाषेची अलिफ बे अशी मुळाक्षरे घोटवून घेत. त्याकाळात एक शिक्षक उर्दूतले काही शेर, नज्म, काही उतारे आणि त्याचे भाषांतर सांगत. आता उर्दूतून ते नेमकं आठवत नाही पण, एका शेर का नज्मचं मराठी स्वैर मराठी भाषांतर असं- कबरीला शय्या समजून त्यावरही शृंगार करण्यास मागे-पुढे पाहत नाहीत असे बेभान झालेले लोक राक्षसी वृत्तीचे असतात. वेतनवाढीवर वेतनवाढी घेणारी शासकीय यंत्रणा आणि भत्ते वाढवून घेणारे लोकप्रतिनिधी असेच बेभान आणि राक्षसी झालेले आहेत. एक वर्ष वेतनवाढ न घेता हा सर्व पैसा शेतीत किंवा शेतकऱ्यांना शेतीबाहेर काढून स्वबळावर उभं करण्यात खर्च करण्याची हिम्मत दाखवणारा राज्यकर्ता आणि ते देणारी हृदयाला पाझर फुटलेली नोकरशाही आम्हाला हवी आहे”.

प्रिय देवेंद्र फडणवीस, ते तसं सांगण्याची वेळ पुन्हा; खरं तर, त्यापेक्षा जास्त वाईट्ट वेळ आलेली आहे. किमान एक वर्ष तरी सातवा वेतन आयोग लागू न करण्याची हिम्मत दाखवा आणि तो पैसा राज्यातील तलाव, तळी, धरणातील गाळ काढण्यात प्रामाणिकपणे खर्च करा. तुमच्या जलयुक्त शिवार योजनेच्या परिणामकारकतेबद्दल मी साशंक होतो पण, मान्सूनच्या परतीच्या पावसात चांगले रिझल्ट दिसले आहेत; त्या जलयुक्त शिवारवरही हा पैसा खर्च करा. शासकीय आणि निमशासकीय कर्मचाऱ्यांनीही मनाची उदारता दाखवत सातव्या वेतन आयोगानुसार त्यांना मिळणाऱ्या वेतनवाढीची एक वर्षाची रक्कम शेतीसाठी खर्च करण्याला मान्यता द्यावी आणि किमान एक वर्ष तरी माणुसकीचं पीक घ्यावं असं आवाहन आहे. महाराष्ट्रातील सर्व आजी-माजी आमदारांनीही अशीच संवेदनशीलता दाखवत एक वर्षाचं वेतन/सेवानिवृत्ती वेतन शेतीसाठी देत त्यांच्यात माणुसकी शिल्लक आहे याचा प्रत्यय आणून द्यावा. दरमहा मिळणारं एका वर्षाचं सेवानिवृत्ती वेतन आपणाकडे देऊन या मोहिमेला प्रारंभ करण्याची माझी तयारी आहे. महाराष्ट्रात एवढी संवेदनशीलता आणि किमान माणुसकी शिल्लक आहे अशी भाबडी का होईना आशा मला आहे!

राज्याच्या प्रशासनावर आपली आता चांगली पकड बसली असल्याचे ऐकून अतीव आनंद झाला; आपले सहकारी श्री एकनाथराव खडसे, श्री सुधीर मुनगंटीवार, श्री विनोद तावडे तसेच प्रदेशाध्यक्ष खासदार रावसाहेब दानवे यांना नमस्कार सांगावा.

कळावे / कळवावे,

आपला
-प्रवीण बर्दापूरकर
९८२२०५५७९९ / ९०११५५७०९९

(दत्ताने लिहिलेली तीन पत्रं आणि त्याचे छायाचित्र पत्रकारितेतील माझा वाशीम येथील जुना सहकारी सुनील मिसर याने उपलब्ध करून दिली आहेत.)

संबंधित पोस्ट

  • Shrikant Pohankar
    निर्लज्जांच्या राज्यात बोलण्यासारखं काही उरलं आहे?

  • Sunil Deshmukh ·…
    Out of box thought ..great

  • Shrikant Gondhalekar ….
    शासकीय कर्मचारी एकवेळ तयार होतील पण शेतकरी; शेतमजूर; व्यापारी; व्यावसायिक; इत्यादि मतदारांनिच निवडून दिलेल्या त्यांच्या प्रतिनिधिंना मिळणा-या लाभांचे पहाब्वा!

  • Pradeep S. Hirurkar ….
    सर, कर्मचारीसुुुुध्दा एक माणूस आहे. तो नक्कीच या सामाजि
    क कार्याकरिता तयार होईल. परंतु सर, त्या संपूर्ण रक्कमेचा 100 टक्के लाभ मात्र शेतकरी बांधवांपर्यंत पोहचलाच पाहिजे. याची जबाबदारी?

    • … ती जबाबदारीजर शासकीय कर्मचाऱ्यांनी प्रामाणिकपणे पार पाडली असती तर हे प्रश्नच निर्माण झाले नसते. अतिशय कमी कर्मचारी-अधिकारी प्रामाणिक,संवेदनशील, तळमळीने काम करणारेआहेत . अनेकजण तर राक्षसी वृत्तीचे , गेंड्याच्या कातडीचे झालेलेआहेत….

      • Pradeep S. Hirurkar… एकदम बरोबर. पण सर म्हणून काय शेतकरी बांधवांच्या अश्रूंना तसेच वाहू द्यायचे ? नाही. म्हणून काय माणसाने माणसास मदत करायची नाही. किंतु परंतु निघतील पण शेतकरी बांधवांच्या पाठीशी उभे राहिलेच पाहिजे.

  • Arun Ghatol …
    Vastav

  • Jayant Deshpande …
    सुंदर blog …

  • Vinay Ganesh Newalkar …
    Blog aaprateem

  • Narendra Lanjewar…
    सुंदर…वास्तव…

  • Rajendra Joshi …
    त्यासाठी फार मोठ मन लागतं. इथं निवडणूकांचा खर्च
    वसूल करून पुढल्या निवडणूकीची तजवीज करायची घाई आहे.

  • Sunil Pralhad Vibhute ….
    Pravin ji ek vel govt.servant manuski dakhavtil .pan ya netyancha kay bharosa ?

  • Sanjeev Nagargoje …
    सरकारी माणूस इथेच राहतो त् तो खेड्यापाड्यात जातो त्याचा पैसा ही इथल्याचृ market मध्ये , white अर्थव्यवस्थे मध्ये nationalise बँकात जातो . माञ व्यापार्यांचा काळा पैसा urban co oprative बँका ज्या जवळ जवळ parallel econonomy चालवतात अशा ब्ँका मार्फत बाजारात येतो अशा ब्ँका ही देशकार्य म्ह्णून म्ह्णा अथवा शेतीमालातूनच निर्माण झालेल्या प्रचंड नफ्यातून या ब्ँका मोठ्या झालेल्या आहेत या वर्षाचा नफा उतराई म्हणून ही त्यां देऊ शकतात !!

  • Anil Tayade Patil …
    प्रवीण जी अगदी सुरेख आणि विवेकपूर्ण विचार मांडला याबद्दल अभिनंदन आणि खरच आपण सगळ्यांनी मिळून मनाचा मोठेपणा दाखवायला हवा जेणेकरून या बळीराजाला साथ मिळेन एक विश्वास देत येईन कि खरच कुणीतरी आहे……पण या विषयावर लिहायचे तरी किती…. खूप लिहून झाले सगळीकडून आता कृतीची जोड हवी आहे… आपण आवाज द्या आम्ही अहोतच. 9881230226

  • Sanjeev Nagargoje…
    सरकारी कर्मचारी व अधिकिरी यांच्यावर आजूबाजूची खुपजन आवलंबून असतात त्यात शेतकरी नातेवाईकच जास्त असतात . माञ corporate world मध्ये काम करणारी मंडळी च्या अवती भोवती आसे शक्यतो कोणी ही नसते . तसेचृ cilicon vally मधील मंडळी ही सरकिरी शाळेत, eng ,IIT , या जनतेच्या पैशातूनच मोठी झालेली आहे माञ कदाचित त्यांच्या मनात असूनही ते भारत व भारतीयांना मदत करू शकलेले नाहीत खरे तर उतराई होण्याची ही चांगली संधी आहे . कारण UAE मध्ये गेलेला साधा कामगार ही 25 बिलीयन पाठवतो देशात आपल्या नातेवाईकासाठी व म्हणून केवळ या व याच क्षेञात भारत जगात पहीला आहे . पण cilicon मधूनएकृ डाँलर ही आलेला नाही . मोदी साहेब जात आहेत तर पहा .

  • Anuradha Honkalse …
    तुमच म्हणणं पटतय सर.. पण ती रक्कम शेतक-यांपर्यंत पोहचणारच याची खात्री काय?

  • Shrikant Gondhalekar …
    अशी रक्कम जमा झालीच तर “नाम फाऊंडेशन” किंवा तशाच एखाद्या स्वयंसेवि संस्थेच्या हवाली केली; तरतं ती शेतक-यांपर्यंत पोचेलनां ?

  • Shreekant Chorghade …
    संवेदनशीलता व उदारता कोण व कशी पेरणार ?

  • Chhaya Khandekar ..
    u r right……ugc proffessorla 1lac45hajar ektya yeka cha pagar asto…….yevdyat tar 3berojgarana job devu shakto…..7va vetn nantar tar near about 2 lac hoeel……7va vetan thambvayla hava…..

  • Harsha Vardhan…
    The govt should not hesitate to take unpopular decisions wrt Maharashtra drought situations .

  • Gajanan Vasu ….
    देशातील प्रत्येक व्यक्तीच काम आहे शेतकरी आत्महत्या दुष्काळ ग्रस्त भागासाठी भरभरून
    मदतीचा हात पुढे करा गरीब असोकी की श्रीमंत
    @ राजकारणी सोडून @ यांना मोचॆ चक्का जाम
    करू धया वेळ आली की आपण यृचा चक्का जाम करू

  • SANDIP KHODWE…
    Agreed in spite f being govt. employee

  • ​परीमल ढवळेकर…

    सर, खूप सुंदर लिहिलंत .
    असं लिहिणारे फार कमीयेत .
    सोबत राहू…

  • Nitin R. Zinjade …
    सातव्या वेतन आयोगाची गरज काय?इथ जगाचा पोशिंदा आत्महात्या करतोय ,शेती परवडत नाही म्हणुन कित्येकांनी शेती करायची सोडुन शहराकड पळ काढलाय .शेती शाश्वत करण्याऐवजी सरकार मुठभरांच लांगुनलोचन करतेय.सरकार शेतीची अनुदान वरचेवर कपात करतेय मग वेतन वाढीला पैसा येतोय कुठुन?

  • Jayesh Shelar यावर एकच मत ( उपाय) स्वतः स्वतःसाठी अन्नधान्य पिकवावे…….
    तेव्हा कळेल काय असते शेती आणि काय असते खऱ्या शेतकऱ्याची व्यथा

  • Ghanashyam Churi
    केलं असतं तुमच्या म्हणण्यानुसार पण …………………
    ह्या लोकांनी आम्हाला खुर्ची वरुनच ढकलले तर ?

  • Appasaheb Hattale…
    सर बरोबर

  • Rekha Shelke…
    Sir khrach ahee. ..

  • Vivek Chitodkar ….
    Black money parat aana, corruption stop kara mag kaslich garaj nahi

  • Pradeep Bhadre …
    Sarkari Nokri karnarya lokana pagar mahinyala bheto 6 vetan aayogachahi labh aahe ;Pan Shetkari Bandhu Bhaginin sathi kahitari thos bhargos masik utpann denari shaskiy yojana havi ,ekhada vetan aayog ek varshasathi pudhe dhakalne purese nahi tar shetkari vargasathi surkshit jeevan jagnyasathi pratyek gavat shetkari lokana vishwasat ghevoon kruti aarakhada aakhun shasnane kam karne garjeche aahe jya run shetkaryanchi aarthik surkshitata vadhel aani jagnyasathi aavshayk manobal unchavel

  • Parag Patil …
    १००% सहमत .

  • Hemlata Pandey Lohave…
    Sir tumhi khup chan praksah takta….sir NGO til Targeted Intervention project HIV/AIDS awareness programme che feb 2015 pasun anudan rakhadale aahe….8 mahinyapadun State Aids Control Society kadun staff chi upasmarichi pali aali aahe….HIV KITS…STD DRUGS…HIV CHI ART MEDICINS… VDRL NGO WORKERS CHE MANDAN…SAARE KAHI 8 MAHINYAPASUN THAPP….KASE JAGAVE STAFF NE VA HIV BADHIT LOKANI….??????

  • Tushar Shinde …
    सरकारला सांगा आधी कञाटी कम॔चारयाना कायम करा

  • Ramesh Zawar ….
    इंदिराजींनी कंपल्सरी डिपाॅझिट स्किम सुरू केली होती. त्याच धर्तीवर ‘योजना’ सुरू करता येईल.

  • Santosh Arsod…
    सर कुण्या नालायक व्यवस्थेकडून अपेक्षा करताहात। जो पर्यन्त शेतीसाठी आयोग स्थापन होत नाही तोपर्यंत रोज एक गुड्डू आत्महत्या करेल. आम्ही रोज जातो शेतात, काय भयाण वास्तव आहे हे शब्दातही सांगता येत नाही।

  • Vidyadhar Ghangurde ·….
    unfortunately no one will do it

  • Bhupesh Patil …
    सर आपल ऐकनार कोण????

  • Vinayak Waghmare ….
    हो मी पाठिंबा देतो……पण देशातील एकूण संपत्तीच्या ७४ % संपत्ती ही १०% लोकांच्या ताब्यात आहे त्या बध्दल काही बोलणार का ?

  • Bhaskar Madakwar….
    वेतना व्यतिरिक्त जे नक्सल प्रभावित क्षेत्रात काम करतात म्हनुन शासनाकडुन नक्षल भत्ता दिल्या जाते तो बंद करून मुख्यमंत्री निधीत जमा करायला पाहीजे. नोकरी लागण्यापुर्वी कर्मचारी कोणत्याही क्षेत्रात काम करायला तयार परंतु नोकरी लागल्यानंतर वेतना व्यतिरिक्त भत्त्याची अपेक्षा करतात हे उचित वाटत नाही
    तसेच, आमदार – खासदार यांना जो भरमसाठ भत्ता व पेंशन मिळते त्यावर सुद्धा नियंत्रण ठेवण्याची आवश्यकता आहे… जय महाराष्ट्र….
    Tribute to dattaji,

  • Appasaheb Hattale …
    सर बरोबर

  • Milind Khandekar ·…
    100% agree but seems impossible in present cast system

  • Balu Dugdumwar ….
    agdi barobr pravin sir…

  • नीतीन केळकर…
    sampoorna vetan aayogch rdada kela tari chalel pan nidhi shetkaryalach jail yachi hami kon denar ?

    • Ramesh Zawar कोणाचंही संपूर्ण वेतन रद्द करण्याचा प्रश्नच येत नाही. शेतकऱ्यांना मदत करण्याची जबाबदारी मुख्यत: सरकारची आहे. दुर्दैवाने सरकारी नोकर हे साॅफ्ट टार्गेट आहे. सरकारी नोकरांबद्दल अनेकांना असूया वाटते. दुष्काळ आणि शेतकऱ्यांच्या आत्महत्या हे निमित्त करून सातव्या वेतन आयोगाच्या स्थगितीची मागणी म्हणजे निव्वळ राजकारण आहे!

  • Pradeep Bhadre ….
    Sarkari Nokri karnarya lokana pagar mahinyala bheto 6 vetan aayogachahi labh aahe ;Pan Shetkari Bandhu Bhaginin sathi kahitari thos bhargos masik utpann denari shaskiy yojana havi ,ekhada vetan aayog ek varshasathi pudhe dhakalne purese nahi tar shetkari vargasathi surkshit jeevan jagnyasathi pratyek gavat shetkari lokana vishwasat ghevoon kruti aarakhada aakhun shasnane kam karne garjeche aahe jya run shetkaryanchi aarthik surkshitata vadhel aani jagnyasathi aavshayk manobal unchavel

  • DrNitin Ramraoji Wankhade …
    तुमच्या विचारला मानाचा मुजरा , 100% सहमत

  • Pradeep S. Hirurkar ….
    सर, राज्यकर्ता आणि नोकरशाहीबद्दल अशी अपेक्षा करावी लागणं हेसुध्दा दुर्दैवच नाही काय ?

  • Shahaji Muley …
    Salam apko… Aur apki pratibha ko..

  • वेगवेगळ्या पातळीवर वेगवेगळे विचार , चर्चा सुरु आहेत . तुम्ही म्हणता त्याही दिशेने नागपूर , जळगावचे काहीजण शोध घेताहेत की काय करता येईल

  • ​​एका उच्च पदस्थ आणि महत्वाचं म्हणजे संवेदनशील अधिकाऱ्याची प्रतिक्रिया =​
    ( दुसरी बाजू समजावी म्हणून ही प्रतिक्रिया देत असल्याने ‘त्याचे’ नाव टाळले आहे)
    Sir, if economic emergency is ther then for principle of natural justice it should b common for all from Top to bottom.
    No Govt can effectively deliver in long run if they r compromising staffs natural demands.
    Adhikari /Mahasangh hs already gvn 25’000 crodes add.income sources to Govt. For karmachari side angles pl call Sh kulathesaheb 9869212152 & Sh Bhatkarsaheb 9699561278 .
    pl rgds

    • त्याला माझे उत्तर =​
      Generating income or additional income is basic responsibility of administration . I am talking of Humanity and Sensitivity …
      -PraBar,
      Sent from my HTC

  • Pradeep Gawande…
    shetkaryana kayam swarupi kiman utpanacchi hami ka nako. he pandhare hatti kiti diwas posayache? pandhare hatti awara.

  • Sanjay Mali ….
    सर्वानां समजतय .. पण मोह आवरत नाही. शेतकर्‍या साठीच नव्हे पाण्याच्या प्रश्नासाठी देखील हा निर्णय घ्यावा.

  • Milind Kshirsagar ….
    u r right sir…..ani je khajagi company madhe kam karanare lok ahet jyana 1 lac peksha jast pagar ahe tyani suddha yek varsha increment na gheta jevadhi increment company denar ahe to paisa company kadun gheun direct mukhya mantri nidhit jama karava.